مسااائكم وصباحكم عسل ياحلواات
اليوم اول مشاركه لي بموضوع اتمنى يعجبكم ويكون بداية خير لي معكم
وتراه من عمل يديا مو منقول ولا مغشوش
بس قد نزلتها بمنتدى قبل هذا
عشان كذا شجعوني عشان اسوي لكم ذبيحه وانزلها لكم
خخخخ << ماعندها وقت
نجي لموضوعي الجديد الله لا يفاشل
طبقات بيتزاء مخرمه << ترى حفيت مالقيت لها اسم
اول شي نعجن عجينه فطائر عاديه وكلن وطريقتها والي تبي طريقتي ترااها لذيييذه جدا
~مقاديرها~
3كأس دقيق ويفضل الكويتي
3 ملعقة حليب بودره
2 ملعقة صغيره بيكنج بودر
تخلط هذه النواشف في زبدية إلى أن نخلط باقي المقادير وهي:
في الخلاط:
1 علبة زبادي دافئ
1 بيالة زيت
1 ملعقة خميرة
فنجان سكر
شوي ملح
مقاس علبة الزبادي ماء دافى وان ماكفت المويه زيدي شوي بس
ثم تخلط هذه المقادير مع النواشف الي فوق وتعجن بذمة وضمير ويستحسن تطولين بمدة العجن حتى تضبط اكثر
ثم تغطى باحكام وتترك لمدة ساعه بالكثير ..
ثم نبدأ العمل
وناخذ قطعه من العجينه ونفرده وتكون سميكة شوي مو خفيفه مره
ونقصها على قد الصينيه
*****
نفرشها بالصينيه ونرفع اطرافها شوي على جوانب الصينيه
وندهنها بجبن سايل بطبقه راهيه موب تلميس
*****
ثم نفرد قطعة عجينه ثانيه بس نحاول نسخفها عن الاولى بكثير يعني راح تكون طبقه خفيفه فاصله
ثم نغززها بالشوكه ونسوي فتحات بسيطه << ليه ؟ مدري صراحه بس مسكت معي ذاك اليوم خخخخ
*****
بعدين ندهن الوجه الي شققناه بصلصة البتزاء
*********
ثووومين نحط خرابيط البتزاء شرايح زيتون اسود واخضر
فلفل روومي اخضر واحمر واصفر وماخلق الله خخخخ << برا
والي يحب الفطر يحطه انو مو اصحاب انا وياه
************
ايه صح بغيت انسى رشي على الوجه اوريقانو قبل الجبن
بعدين نعبي الوجه بجبن موزريلا اول بعدين نبشر جبن تشدر كرافت
لين يتغطى الوجه زي ماتشوفون
ترى تنوع الاجبان هو الي يطعمها
*********************
ثم ناخذ قطعه ثالثه من العجينه ونفردها زي الاولى على نفس مقاس الصينيه بعد
<< شغلتها شغله هي وذا العجينه الي عيت لا تخلص
وبعد مانفردها فرد متساوي نستخدم دراجة العجين المشرشره
ونقوم نسوي فتحات بس مو متوازيه زي ماتشوفون بالصورة ابلغ
عجزت اوصفها
****************
بعدين نشيلها بحذر ونغطي فيها وجه البتزاء ونسكر اطرافها مع اطراف
الطبقه الاولى الي كنا مطلعينها من اول بالضغط عليها باطراف الاصابع
***************
وندهن وجهها بالبيض ونرشها بالسمسم
******************
بعدين ناخذ قطعة عجين راابعه
خخخخخخخخ لا امزح خلااص قضينا
الحين ندخلها الفرن تتحمر من تحت وفوق
وتطلع النتيجه هكااااا
*************
ختاما
صح ان شغلتها شغله وكلها فرد وطبقات بس جربوها اول مره بصياني صغيره حتحبوها سدئوني
واعذروني اذا مشاركتي بسيطه لكن الجايات اكثر ان شاء الله
لكم كل ودي وتقديري
دمتم برضااااااا
ماشاء الله
ورينا ابداعتس اكيد اطلق 
